Drama Bahasa Bali

Katundung Somah

Deadi      :  Wayan Dogler

Pipin        : Luh Lenje

Laras        : Kadek Polos

Helga       : Balian

Yanik       : Dewik

Kacarita wenten apasang kurenan saking Desa Dulu, Kurenan puniki nenten taen akur setate miegan. Sane muani Mawasta Wayan Dogler, sane luh mawasta Luh Lenje utawi mawasta CKB (cengceng kebes). Kacerita sedek dina anu Wayan Dogler miegan sareng somahnyane……

Pipin      : Sesai orahin tiang’e beli jek ten prasida kadingehin, pragat luat maceki somahe jumah tan kaurus.

Deadi    : Ampura luh..  ampura luh… ampura luh…

Pipin      :Aahhh…. Beli jek setata kene uli pidan

Deadi    : Kene kenken luh?  Beli maceki apang nyidang numbas ajengan

Pipin      : Ajengan napi ? jek setata kalah !! Niki cekian beline ajeng (nyetset cekian)

Deadi    : (Ngeling sambilang magending…)

Laras      : Anak ngudyang Wayan care lindung kene uyah niki

Deadi    : Miegan ajak somahe nika Dek,

Laras      : Napi kasebetin? Ten baange mulih nggih?

Deadi    : Ten Dek, cekian tiange set – set’e. telah pipis tiange jani tusing nyidang numbas cekian.

Laras      : Badahh,, ne mare je… nang de sebet – sebet keto Yan, lan ajake mademenan Wayan Pasti demen sane kene – kene.

Deadi    : Napi? Maceki? Ahh ten sareng tiang, malih jebos ketara jek jambak’e bok tiang’e teken somah’e, lan munyine sekadi ceceng kebes, aduhhh pusing kepala princess

Laras      : Ten maceki, Jek meriki gen…

Deadi    : Napi? Jantos” nuduk lulu dumun…

Pipin    : (nelpon Dewik) Dewik, ring ije niki? Meriki ajebos mresidang? Nggih ring jumah tiang’e.. Nggih-nggih tiang jantos iriki

Yanik   : Wenten napi luh? Jek yakti pisan asanne niki

Pipin    : Tiang pacang curhat akidik Wik (masebeng jengis)

Yanik   : Aaettt….. curhat napi

Pipin    : Niki Wik, Somah tiang’e maceki malih, jek ten med – med maceki, yening menang jek setata kalah dogen, somahne jumah raris makenta.

Yanik   : Kaden nak napi, somah tiang’e pateh jek setata luas maceki. Keni carane Luh, iraga sampunan nyak kalah, mriki ajak’e shopping mangkin Luh

Pipin    : Mimih tiang tan madue jinah akeh wik, kija niki shopping?

Yanik   : Ten perlu makta jinah akeh, lan ajake ke SeSik

Pipin    : SeSik ? napi nika?

Yanik   : Tennn, SS ( Sengol Asik)

Pipin    : naaaahh nika mare becik, mriki nae…

Kacarita Luh Lenje sareng Dewik shopping ka Sengol Asik numbas magenepan setata engsap teken pedihnyane tekenin somahne. Wayan Dogler sareng Kadek Polos liang mademenan sawireh iya pacang….

Laras      : Punapi? Demen Wayan matajen?

Deadi    : Demen pisan dek, Kadek ne jek mule ngeneee

Laras      : Mriki nae ajak’e metajen mangkin.

Pipin      : Jantos – jantos, asane tiang uning sire nika sane matajen

Yanik     : Sira nika Luh ? jantos – jantos, nggih asane tiang uning paras’e punika

Yanik lan Pipin : (Nyewer kuping somahne)

Deadi    : Yih somah tiang’e hehehe…, anak ngudiang iriki luh? (sambilang kejengat – kejengit)

Pipin      : Malih beli nyemak gae memocol, mai mulih…..!!! (sambilang nyewer kuping)

Deadi    : Jantos – jantos, siap beline kecag

Yanik     : Beli niki pateh.. , mai mulih masih….!!!! (sambilang nyewer kuping)

Pipin      : Anak ngudyang beli metajen? Jek setate demen nyemak gae mamocol…

Deadi    : Napi pelih beline? Meceki beli pelih, matajen patuh masih pelih, ten taen beli beneh di arepan iluh’e

Pipin      : Beli mule pelih, tan prasida ningehang raos somah beline. Mai abe siap e…!!

Deadi    : Angge iluh napi?

Pipin      : Kal gorok tiang e angge tiang predciken (raris macelep)

Deadi    : (ngeling sambilang magending…)

Awai sampun kaliwat, kacarita Wayan Dogler sampun tan malih maceki sareng matajen, nanging…

Pipin      : Mai beli malu, jek setata ngai gedeg basang

Deadi    : Ape bin luh? Kaden beli sube suud matajen lan maceki, napi malih niki…

Pipin      : Niki..!!!!!! ( ngedengan lap ) Enci sire niki? Iluh ten taen nganggo enci

Deadi    : Aaaa… Nika.. Nika.. Nika wantah

Pipin      : Wantah napi? Ngai – ngai gen beli niki, magedi uli dini iluh sing ngarepen beli malih…!!!!

Deadi    : De keto luh..

Pipin      : Megedi… (ngling sambilang magending)

Deadi : Aduhhh lancur beli luhh, kenken dik carane jani niki nah??? Hmmmmm
ooohh saje… (halo jero balian, ring ije niki? Ohhh nggih” tiang pacang nangkil mangkin, nggih” OTW jero)

Deadi lan Laras : Om swastyastu, Jero balian…

Helga     : Tiaanggg… wenten napi rauh meriki ?

Laras      : Niki jero, engekn carane apang somah Wayan’e polos nggih? Jek inguh kone ningehang munyine jek sekadi ceng – ceng kebes.

Helga     : Hhhmmmmm……, ooooohhhh….., CGT nika. Sira pesengan somah wayan’e?

Deadi    : Luh Lenje jero

Helga     : Naahh beneh be ceng – ceng kebes, saking napi?

Deadi    : Desa Dulu jero.

Helga     : Ngoyong malu, hmmmmmmmmmm….. prikitew wakwawawawaaa beerrrrrr hulalalala welehweleh.. waduhhh keweh ne yan

Laras      : Keweh engken jero?

Helga     : Beliang jero yeh sep Yan, bedak sajan jero niki.

Deadi    : Kaden tiang gawat napi, nggih-nggih jero

Pipin lan Yanik : Om swastyastu jero balian

Helga     : Om swastyastu, ngiring malinggih, wenten napi niki rauh mariki?

Yanik     : Niki jero, Luh Lenje, somahne setata ten prasida ningehang raosnyane

Helga     : Punapi nika? Bongol ?

Pipin      : Ten, jek ngai-ngai gen jero niki. Kaliwat bengkung nika jero

Yanik     : Nggih jero, kurenan tiang’e pateh masih jero, jek ten mresidang ningehang raos titiang’e

Helga     : Jantos dumun, , hmmmmmmmmmm….. prikitew wakwawawawaaa beerrrrrr hulalalala welehweleh..
Saking napi niki?

Pipin      : Saking Desa Dulu jero,

Helga     : Badahhh dados nyak kene, wawu wenten masih anak muani ajak’e kalih meriki saking Desa Dulu taler.

Yanik     : Sira jero?

Helga     : Wayan, wayan sira kaden jero engsap tungkulan ngapalan mantra hmmmmmmmmmm….. prikitew wakwawawawaaa beerrrrrr hulalalala welehweleh..

Laras      : Dewik…..????

Deadi    : Iluhhh….???? Anak ngudyang iluh dini? Ooooooohhhhh ngalih guna – guna ae?

Pipin      : Men beli ngudyang iriki? Keneh” tiang’e ngudyang je ditu

Laras      : Ne Dewik ngudyang dini ? ngalih guna – guna masih ne?

Deadi ,Laras, Pipin, Yanik : (miegan liu pesu munyi)

Helga     : Ngoyongg……..!!!!!!!!!!

Niki sampun picontoh manusane sane mangkin. Yening sampun telas akalnyane jek tangkil ka Balian. Tan je nyembah ring Ida Sang Hyang Widhi. Ngiring iraga sareng senamian sampunan bengkung yening makaluarga patutnyane saling asah asih asuh, sampunang setata miegan, karyaning kaluarga sane becik tur dados panutan antuk wargane sane lianan tur setata eling teken Ida Sang Hyang Widhi Wasa.