PEMERINTAH
DAERAH KABUPATEN GIANYAR
DINAS PENDIDIKAN PEMUDA DAN OLAH RAGA
 |
TUGAS BAHASA BALI
PIDARTA
Oleh :
NAMA : NI WAYAN SASTRANINGSIH
No. Absen : 15
KELAS : XI MSc 4
SMA NEGERI 1 GIANYAR
Jl. Ratna No. 1, Telp. (0361) 943034, Fax.(0361)944073
KABUPATEN GIANYAR
TAHUN 2014
PIDARTA BAHASA BALI
RAHINA SASRASWATI
OM SWASTYASTU
Ibu guru sane wangiang titiang, miwah Ida dane para sisia sareng sami
sane dahat tresna asihin titiang.
Kaping ajeng ngiring iraga sareng sami ngaturang pangayubagia ring Ida
Sang Hyang Widhi Wasa, seantukan Ida iraga sareng sami kapicayang kerahayuan
kerahajengan sekadi mangkin.
Ida dane sinamian sane kasumayang titiang,
Sakadi sampun kauningan, umat Hindune nyanggra piodalan Saraswati ngenem
sasih apisan, inggih punika nemonin
rahina Saniscara Umanis Wuku Watugunung. Punika kaanggen pinaka rahina
pamijilan pangweruh utawi Hari Lahirnya Ilmu Pengetahuan. Ring
rahina punika makasami umat Hindunne patut ngaturang pangubakti ring Ida Sang
Hyang Widhi pinaka utpeti utawi pencipta ilmu pengetahuan. Yadian sang maraga
dokter, guru, murid, petani, bingkil, miwah sane lianan makasami patut sareng
nyanggra piodalan Saraswati riantukan makasami madue pangweruh miwah kawagedan
sane kapaica olih Ida Sang Hyang Aji Saraswati.
Tatujon nyanggra rahina piodalan puniki nenten ja tios
wantah ngaturang parama suksma ring Hyang Widhi santukan Ida sueca mapaica
pangweruh ring pretakjana Hindunne saha mangda sida nglantur pasuecan-Ida
gumanti wenten anggen ngruruh pangupajiwa. Riantuk utama pisan kawigunan
kaweruhane majeng ring kahuripan druene, punika mawinan ilmu pengetahuanne
kaniyasa utawi kalambangin antuk Dewi Saraswati.
Inggih ida dané sané kusumayang titiang, manawi asapunika
sané prasida aturang titiang majeng ring ida dané sami ngenénin indik Rahina
Saraswati puniki. Manawi ring sajeroning napi sané baosang titiang i wawu
wénten iwang antuk titiang matur, titiang nunas pangampura. Puputang titiang
antuk panyineb atur.
OM ÇANTI, ÇANTI, ÇANTI OM.
Tidak ada komentar:
Posting Komentar